من دمعتي لحجيك وكت الوداع

من دمعتي لحجيك وكت الوداع
خط وهمي بوكتهه بجفي جريت
طلاسم نضرتك فكتهه الاعذار
وبعيونك شكد الغاز حليت
جنت تحجيلي ويدي تهدم احلام
وبمعول دمعتي بقوه دكيت
بحيث امن انتهيت امن المواضيع
ذيج الساعه ماضل كلشي هديت
فده من ينجفي يكولون علماي
وفدوه شلون اكلك ماتبديت
انه شفتك ثلج بحلوك شمات معقوله
بحلكهم ماحتريت
ماكتلي الروايه اخرهه مبتور جا
باول مشاهد مانشديت
ولو ادري اليضل ممنوع مرغوب
لارخصت روحي ولانذليت
اني ابحرت بيك عناد علروج وعله
خصر الشراع اوزار شديت
الهوه هذا اليمرني اتخيلك بي حته
التقي وياك منين ماجيت
يعني بمعنى اخر مستحي احجي تره
بس انته غيرك ماشتميت
وحررت اسمك من شفايف الغير
وعلمودك شكد حروب طبيت
وبعدت ذرائع قادر اجتاح ولكن
شبر منك ماحتليت
اكض الليل بيدي من اوكف وياك
بدليل شكد عليك نجوم طشيت
جنت اكدر اجيك بدون عنوان وحته
ادخل بكلبك لو ضطريت
عليه محسوب سر وانته مكيول وعلى
اصغر اعدائك مانضميت
ماعندك عذر ينكال للناس يمي ومن
حجيهم مافتكيت
لهساك البصبعي الاشرت بي عليك وبي
الف نيشان خليت
مثل حب الارض وي الشمس بي جنت
سطحي بنضرتي وفطره حبيت
لو ادري الشمس ماتفتر وياي علروحي بعشرتك مافتريت
انه عابيت حته عيوني بجفاك بيهن
وبنضرهن ماعتزيت
مر يم بيتنه مستطرق وشوف تلكه اباب
بيتي عيون ذبيت
انه ضهري احترف طعنات العزاز
وكمت اعرف اديهم لو ندجيت
بلاشوف واكلهم ها منو فلان
بس انته عكسهم ماتسميت
حته انساك لازم يلغي الليل اذا
بالليل اذكرك جا شسويت
وحتار منضل ابين رايين اذا
عن راي منهن ماستغنيت
بما انك عفتني بكل الاحوال
ماتفرق نسيتك لو تناسيت
مودتتـــي

________________